{"descriptions":{"text":"

Reykjanesbær auglýsir laust til umsóknar starf sviðsstjóra menningar- og þjónustusviðs Reykjanesbæjar.

Leitað er eftir framsýnum einstakling sem hefur brennandi áhuga á menningarmálum, hefur næmt auga fyrir skilvirkum og skapandi lausnum, ásamt því að þróa og samhæfa þjónustu við íbúa og gesti sveitarfélagsins. Starfið felur í sér yfirumsjón með menningarmálum, markaðs- og vefmálum, upplýsingatækni, ferða- og þjónustumálum, verkefnastofu, gæðamálum, stafrænni þróun og umbótum. Á sviðinu starfa sérfræðingar viðkomandi málaflokka þar sem unnið er þvert á önnur svið til að auka gæði þjónustu og bæta lífskjör og upplifun íbúa Reykjanesbæjar og gesta þeirra.

Markmið menningar- og þjónustusviðs Reykjanesbæjar er að veita góða, skilvirka og aðgengilega þjónustu og stuðla að öflugu og fjölbreyttu menningarlífi í bænum. Sviðið leiðir stafræna umbreytingu sveitarfélagsins, styður starfsfólk með upplýsingatækni og leiðir stærri umbótaverkefni verkefni þvert á svið. Horft er til þess að efla lífsgæði íbúa, styrkja ímynd Reykjanesbæjar og skapa jákvæða upplifun fyrir bæði gesti og íbúa sem eru í dag yfir 24 þúsund.

Sviðsstjóri heyrir beint undir bæjarstjóra. Bæjarráð Reykjanesbæjar ræður sviðsstjóra

Umsjón með ráðningu hefur mannauðssvið Reykjanesbæjar. Umsækjendur af öllum aldri og kyni eru hvattir til að sækja um starfið. Með umsókn skal fylgja ferilskrá og kynningarbréf umsækjanda.

Öllum umsóknum verður svarað að ráðningu lokinni.

Helstu verkefni og ábyrgð

Ber ábyrgð á stjórnun, stefnumótun og þjónustu stofnana sem heyra undir sviðið
Ber ábyrgð á innleiðingu stefnu Reykjanesbæjar og eftirfylgni verkefna á sviðinu
Ber ábyrgð á markaðs- og kynningarmálum Reykjanesbæjar og samræmingu þeirra
Ber ábyrgð á verkefnastofu og samþættingu stefnumótunar innan sveitarfélagsins
Tryggir samræmingu í menningarmálum og viðburðahaldi stofnana
Undirbýr mál fyrir fagráð og fylgir eftir ákvörðunum
Leiðir áframhaldandi þróun og uppbyggingu sviðsins
Ber ábyrgð á framkvæmd þjónustusamninga sviðsins við ytri aðila
Hefur umsjón með fjárhagsáætlunargerð sviðsins í samstarfi við fagnefndir og annað starfsfólk
Ber ábyrgð á gerð starfsáætlunar fyrir þau verkefni sem heyra undir sviðið

Menntunar- og hæfniskröfur

Háskólamenntun sem nýtist í starfi
Reynsla af stjórnun og stefnumótun á sviði þjónustu, menningar eða stafrænnar þróunar er mikill kostur
Þekking og reynsla af þeim málaflokkum sem undir starfið heyra
Góð þekking á opinberri stjórnsýslu og samstarfi við ólíka hagsmunaaðila
Afburða leiðtogahæfni og geta til að hvetja og leiða fjölbreytt teymi
Góð samskiptahæfni og hæfni til að miðla stefnu og sýn
Frjó og lausnamiðuð hugsun með næmt auga fyrir umbótatækifærum
Góð kunnátta í íslensku og ensku og geta til að tjá sig í ræðu og riti

Fríðindi

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

"},"descriptions_en":{"text":""},"responsibilities":[],"responsibilities_en":[],"requirements":[],"requirements_en":[],"benefits":[],"benefits_en":[],"descriptionsEnd":{"text":""},"descriptionsEnd_en":{"text":""}}